Ինչու է Նիկոլ Փաշինյանը այսօրվա ասուլիսին ներկայացել եռագույն փողկապով

Վարչապետի պաշտոնակատար Նիկոլ Փաշինյանը կառավարությունում հրավիրված ասուլիսին ներկայացել է եռագույն փողկապով: «Ես նախկինում հարցերից մեկին ի պատասխան ասացի, որ կրում եմ բացառապես հայկական արտադրության հագուստ՝ բացառությամբ փողկապի, որն այդ պահի դրությամբ չէի կարողացել գտնել: Արտադրողներն արձագանքել են, և այսօր ես ասուլիսից անմիջապես առաջ ստացել եմ երկու փողկապ, որոնցից մեկը կրում եմ այս ասուլիսի ընթացքում»,- ասաց Նիկոլ Փաշինյանը