Տպել
Ալյասկայում նոյեմբերի 30-ին երկրաշարժեր են տեղի ունեցել, ցնցումների ուժգնությունը տատանվում է 6.6-7.2 մագնիտուդի միջև: Այս մասին հայտնում է ԱՄՆ երկրաբանական ծառայությունը:
Նահանգապետ Բիլ Ուոքերը հայտարարել է, որ Ալյասկայում հայտարարված է արտակարգ դրություն:
Նա տեղեկացրել է, որ մշտական կապի մեջ է Սպիտակ տան հետ: Ուոքերը հայտնել է, որ ռազմաբազաներից մեկում արձագանքման կենտրոն է բացվել, որտեղ գնահատվում է հետցնցումների ուժգնությունը, ճանապարհների, կամուրջների ու շինությունների վիճակը:
Այս պահին տեղեկություններ զոհերի մասին չկան:
ԱՄՆ նախագահ Դոնալդ Թրամփը խոստացել է օգնություն տրամադրել Ալյասկայի բնակիչներին:
