Արսեն Թորոսյանը հայտնել է Հայաստանում սանավիացիոն ծառայություն հիմնելու մտադրության մասին

Հայաստանի Հանրապետության առողջապահության նախարարությունը Armenian Helicopters LLC ընկերության հետ պատրաստվում է 2019թ. սանավիացիոն ծառայություն հիմնել: Այս մասին «Ֆեյսբուք»-ի իր էջում գրառում է կատարել ՀՀ առողջապահության նախարարի պաշտոակատար Արսեն Թորոսյանը:

«Այսօր առավոտյան թռիչք իրականացրեցինք Armenian Helicopters LLC ընկերության ուղղաթիռներից մեկով, ում հետ պատրաստվում ենք իսկական սանավիացիոն ծառայություն հիմնել 2019թ․՝ առաջին անգամ անկախ Հայաստանի պատմության մեջ։

Փորձարկման նպատակը Երևանում երկու խոշոր բժշկական կենտրոնների տարածքում վայրէջքի տեղեր մատնանշելն էր։ Խոսքը Սուրբ Գրիգոր Լուսավորիչ և Էրեբունի բժշկական կենտրոնների մասին է։ Երկու տեղում էլ գտանք հարմար վայրէջքի կետեր։ Ծառայությունը կսկսի գործել մոտավորապես 3-4 ամսից, քանի որ ուղղաթիռները պետք էհամապատասխանորեն վերազինվեն, ինչպես նաև մանրամասն մշակվի պացիենտներիտարհանման մեխանիզմը՝ մարզերից Երևան։

Հավելյալ տեղեկատվություն կտրամադրեմ նոր զարգացումների մասին»,- գրել է Թորոսյանը։