Տարվա ամփոփում և պարգևատրում Սպորտի և երիտասարդության հարցերի նախարարությունում
Advertisement 1000 x 90

Տարվա ամփոփում և պարգևատրում Սպորտի և երիտասարդության հարցերի նախարարությունում

Դեկտեմբերի 11-ին` Լեռների միջազգային օրը, ՀՀ սպորտի և երիտասարդության հարցերի նախարարի հետ տեղի ունեցավ հանդիպում, որի ընթացքում քննարկվեցին 2018թ.-ի ձեռքբերումները: Քննարկվեցին նաև այլ հարցեր, այդ թվում 2019թ.-ին Ալպինիզմի և լեռնային տուրիզմի հայկական ֆեդերացիայի և ՀՀ սպորտի և երիտասարդության հարցերի նախարարության միջև փոխգործակցությունն ամրապնդելու հարցրե: Նախարար Ղազարյանը բարձր գնահատեց մեր աշխատանքը` ընդգծելով լեռնագնացության և սպորտային տուրիզմի ռազմավարական նշանակությունը Հայաստանի համար: Լեռնային տուրիզմի և լեռնագնացության ոլորտի մի քանի գործիչներ, ակումբներ ՀՀ սպորտի և երիտասարդության հարցերի նախարարության կողմից շնորհակալագրերի հանձնման ձևով ստացան իրենց աշխատանքի գնահատականը:

  1. ԱրմԼենդ ակումբի հիմնադիր-ղեկավար Արտյոմ Մարտիրոսյանին՝ լեռնային տուրիզմի ոլորտում ակտիվ գործունեության և զարգացման համար,
  2. Հայկական աշխարհագրական նախագիծ ակումբի հիմնադիր-ղեկավար Տիգրան Շահբազյանին՝ լեռնային տուրիզմի ոլորտում ակտիվ գործունեության, զարգացման և «Մերն է» նախագծի իրագործման համար,
  3. Ճանապարհորդ ակումբի հիմնադիր-ղեկավար Դավիթ Դավթյանին՝ լեռնային տուրիզմի ոլորտում ակտիվ գործունեության և անձանց ներգրավելու համար,
  4. Ապառաժ ակումբի հիմնադիր-ղեկավար Սուրեն Ստեփանյանին՝ ժայռամագլցման ոլորտի զարգացման համար,
  5. Սպիտակ հովազ ակումբի հիմնադիր-ղեկավար Անտուան Անանյանին՝ ժայռամագլցման ոլորտի զարգացման համար,
  6. «Չորս գագաթ լեռնային ակումբ» լեռնագնացության զարգացման ՀԿ-ի հիմնադիր-նախագահ Նարինե Ճաղարյանին՝ լեռնագնացությունը և առողջ ապրելակերպը մանկապատանիների շրջանում զարգացնելու համար,
  7. Սերգեյ Բիձյանին՝ լեռնագնացության մեջ անվտանգության կանոնների պահպանման կարևորության տարածման և ծայրահեղ իրավիճակներում ցուցաբերած աջակցության համար,
  8. Էդգար Նավասարդյանին՝ լեռնագնացության մեջ անվտանգության կանոնների պահպանման կարևորության տարածման համար,
  9. Սպարտակ Հովհաննիսյանին՝ առաջին բժշկական օգնության հմտությունների փոխանցման համար,
  10. Հատիս ակումբի հիմնադիր-ղեկավար Մարտին Մարտիրոսյանին՝ լեռնային տուրիզմում ներդրած մեծ ավանդի և փորձի փախանակման համար,
  11. Ստեպ-Սլեքլայներս Հայաստան ակումբի հիմնադիր-ղեկավար Ահարոն Խաչատրյանին՝ Հայաստանում սլեքլայնի տարածման և փառատոնների կազմակերպման համար,
  12. Լևոն Մովսիսյանին՝ լեռնագնացության մեջ անվտանգության կանոնների պահպանման կարևորության տարածման և ծայրահեղ իրավիճակներում ցուցաբերած աջակցության համար,
  13. Էդուարդ Սարգսյանին՝ լեռնագնացության մեջ անվտանգության կանոնների պահպանման կարևորության տարածման և ծայրահեղ իրավիճակներում ցուցաբերած աջակցության համար,
  14. Սուրեն Դանիելյանին՝ լեռնագնացության և լեռնային տուրիզմի զարգացման մեջ ներդրած մեծ ավանդի, անվտանգության կանոնների պահպանման կարևորության տարածման և ծայրահեղ իրավիճակներում ցուցաբերած աջակցության համար: