Տպել
Երակների վարիկոզն արյան շրջանառության հետ կապված հիվանդություն է, որի դեպքում երակները երևում են մաշկի տակից: Այն ի հայտ է գալիս սովորաբար մարմնի ստորին հատվածում: Այս մասին հայտնում է steptohealth.ru-ն:
Վարիկոզը միշտ համարվել է էսթետիկ խնդիր, քանի որ երակները կարմիր կամ մանուշակի գույն ունեն, որն էլ կտրուկ արտահայտվում է մաշկի ֆոնին: Բացի դրանից, առողջության խնդիրը նույնպես կարևոր է, քանի որ լայնացած երակները կարող են հարուցել ծանրության զգացողություն, այլ տհաճ նշաններ:
Երակների վարիկոզ լայնացման կանխարգելումը
- Վերահսկեք ձեր քաշը
Վարիկոզ երակների առաջացումը ճարպակալման կամ ավելորդ քաշի հիմնական հետևանքներից մեկն է: Ավելորդ քաշը կանխում է դեպի երակներ արյան նորմալ հոսքը, ինչն էլ մազանոթներում բորբոքային ռեակցիա է առաջացնում:
Խորհուրդ`
- Վերահսկեք ձեր սննդակարգում կալորիաների ու ճարպերի քանակը:
- Ձեր սննդակարգի հիմքը պետք է լինեն մրգերը, բանջարեղենը և ամբողջական ցորենահատիկից պատրաստված մթերքները:
- Օրական կանոնավոր կերպով ամենաքիչը 30 րոպե ֆիզիկական վարժություններ կատարեք:
- Եթե ձեր քաշը չափից շատ է ավելի, դիմեք մասնագետի:
- Հարմար կոշիկ հագեք
Լայն, հարմար, ցածրակրունկ կոշիկի ընտրությունը կարող է որոշիչ դառնալ մարմնի ստորի հատվածում արյան շրջանառության հետ կապված խնդիրների դեպքում:
Խորհուրդ`
Խուսափեք բարձրակրունկ կոշիկներ հագնելուց: Դրա բարձրությունը չպետք է գերազանցի 5 սմ-ը:
- Շատ ջուր խմեք
Քիչ ջուր խմող մարդիկ հաճախ արյան շրջանառության հետ կապված խնդիրներ են ունենում՝ նրանց համեմատությամբ, ովքեր 2 լիտրից պակաս ջուր օրական չեն խմում:
Օրգանիզմի բոլոր ֆունկցիաների համար կենսականորեն կարևոր այս հեղուկն օգնում է արյունը պահել կատարյալ հեղուկ վիճակում` թեթևացնելով մարմնի յուրաքանչյուր հատվածից նրա անխափան վերադարձը դեպի սրտամկան:
Խորհուրդ`
Համոզվեք, որ դուք օրական 6-8 բաժակ ջուր եք խմում:
Եթե դուք այդքան ջուր չեք կարող խմել, ձեր խմած ջրի մեջ կիտրոն ավելացրեք կամ ջրի փոխարեն խմեք խոտաբույսերով թուրմեր կամ էլ բնական մրգային հյութեր:
- Չափազանց նեղ հագուստ մի կրեք
Դժվար է դրան հավատալ, բայց չափազանց նեղ հագուստ կրելը կարող է նպաստել ոտքերում և անոթներում վարիկոզի առաջացմանը:
Ջինսերը, գոտիները ու հագուստի այլ առարկաներ, որոնք չափից առավել են սեղմում ոտքերը` խանգարելով արյան շրջանառությանը, ժամանակի հետ այս էսթետիկ խնդիրն են հարուցում:
Խորհուրդ`
Լայն հագուստ կրեք: Հագուստը պետք է լինի փափուկ կտորներից կարված ու լավ օդափոխվող:
Տաբատ և այլ հագուստ գնելիս կարևոր է ճիշտ չափսն ընտրել:
- Բարձրացրեք ոտքերը
Այնպիսի պարզ բան, ինչպիսին ոտքերը բարձրացնելն է, կարող է բարելավել արյան շրջանառությունը ու կանխել երակների վարիկոզ լայնացումը:
Խորհուրդ`
- Հնարավորության դեպքում ոտքերը վեր բարձրացրեք 2-3 րոպե:
- Այս վարժությունը կատարեք աշխատանքային օրվա ավարտից հետո:
- Փորձեք վեր բարձրացնել ոտքերը նաև այն դեպքում, եթե դուք երկար ժամանակ գտնվել եք նույն դիրքով:
- Խուսափեք աղի չափից շատ օգտագործումից
Աղը մեր խոհանոցի ամենից հաճախ օգտագործվող համեմունքներից է: Ցավոք, այն գրեթե հնարավոր չէ իսպառ բացառել մեր սննդակարգից: Բայց շատերը չգիտեն, որ աղի չափից առավել օգտագործումը հանգեցնում է առողջության հետ կապված զանազան խնդիրներ ունենալուն:
Աղը հեղուկը պահում է օրգանիզմում: Դա հարուցում է այտուցներ և բորբոքումներ, որոնք խոչընդոտում են արյան շրջանառությանը, ինչն էլ ուղղակիորեն ազդում է ցելյուլիտի ու արյան վարիկոզ լայնացման առաջացման վրա:
Խորհուրդ`
- Սահմանափակեք աղի կիրառությունը` այն փոխարինելով ավելի օգտակար համեմունքներով:
- Ստուգեք ձեր գնած մթերքների պիտակները, որպեսզի տեսնեք, թե որքան աղ են դրանք պարունակում:
- Դուք կարող եք օգտագործել ծովային կամ հիմալայան աղ կերակրատեսակներ պատրաստելիս, այլն էլ` քիչ քանակությամբ: Այս տեսակներն ավելի օգտակար են, քան սովորական աղը:
Հրապարակման պատրաստեց Սոֆա Պետրոսյանը
