Տպել
Հունաստանում ձյուն է տեղացել, լույս հունվարի 8-ի գիշերը ձնատեղում է եղել Աթենքում, եղանակի պատճառով փակվել են դպրոցները Ատտիկա մայրաքաղաքային տարածաշրջանի շրջանների մեծ մասում: Հունաստանում տեղումնառատ եղանակ է հաստատվել դեկտեմբերի վերջին, ձյուն է տեղացել երկրի հյուսիսում և կենտրոնական մասում, մի քանի շրջաններում գրանցվել են տեղատարափներ: Անբարենպաստ եղանակի զոհ է դարձել արդեն երեք մարդ: Օդերևութաբանները նշում են, որ ցուրտ եղանակը կպահպանվի մինչև հունվարի 10-ը:
Վերջին 24 ժամվա ընթացքում «Տելեմախ» ցիկլոնը ցուրտ ու ձնատեղում է բերել Աթենք: Գիշերը մի քանի սանտիմետր ձյուն է տեղացել: Հունաստանի մայրաքաղաքում ձյունը հազվադեպ երևույթ է, սովորաբար այն հալչում է մի քանի ժամում: Ամեն անգամ ձնատեղումը մեծ խնդիրներ է ստեղծում: Ճանապարհատրանսպորտային պատահարները կանխելու համար ոստիկանությունը փակվել է երթևեկությունը մի քանի ավտոմայրուղիներում: Քաղաքացիական պաշտպանության գլխավոր քարտուղարությունը հայտնել է, որ համապատասխան պետական մարմիններին, երկրի տարածաշրջաններին ու մունիցիպալիտետներին ծանուցել է արտակարգ իրավիճակներին պատրաստ լինելու անհրաժեշտության մասին: Ատտիկայում ցրտի ու ձնատեղման պատճառով հունվարի 8-ին դպրոցները փակ կլինեն շրջանների մեծ մասում: Հունական դպրոցները հարմարեցված չեն ցուրտ եղանակի պայմաններում աշխատելուն: Այն շրջանների ցուցակը, որտեղ դպրոցականներին հարկ կլինի մնալ տանը, հրապարակում են Ատտիկայի իշխանությունները և մունիցիպալիտետները: Աթենքում բացվել են ջեռուցվող հարկաբաժիններ, որտեղ ցրտից կարող են պաշտպանվել անտունները և նրանք, ովքեր վառելիքի փող չունեն տները ջեռուցելու համար:
