«Փորձում ենք դիվերսիֆիկացնել խոշորի և փոքր ու միջինի պայմանները, որոնք նախկինում միասնական են եղել». Իզաբելլա Աբգարյան
Advertisement 1000 x 90

«Փորձում ենք դիվերսիֆիկացնել խոշորի և փոքր ու միջինի պայմանները, որոնք նախկինում միասնական են եղել». Իզաբելլա Աբգարյան

Երևանի «Իմ քայլը» դաշինքի ավագանու անդամ Իզաբելլա Աբգարյանը ֆեյսբուքյան իր էջում գրում է. «Այսօր կայացած արտահերթ նիստում Երևանի Ավագանին միաձայն հավանություն տվեց փոքր և միջին բիզնեսին տեղական տուրքերի արտոնություն տալուն:

Ըստ որոշման՝ 115 միլիոն դրամը չգերազանցող շրջանառություն ունեցող տնտեսվարողները 2019 թվականի համար սահմանված տեղական տուրքերի դրույքաչափի արտոնություն կունենան:

– Հեղուկ վառելիքի, սեղմված գազերի վաճառքի թույլտվության համար՝ 58.34 տոկոսի չափով

– Առևտրի օբյեկտներին ժամը 24:00֊ից հետո աշխատելու թույլտվության համար՝ 72.92 տոկոսի չափով

– Հանրային սննդի և զվարճանքների օբյեկտներին ժամը 24-ից հետո աշխատելու թույլտվության համար՝ 70 տոկոսի չափով:

Ընդ որում՝ այս արտոնությունները կիրառվելու են նաև 2019-ի հունվարի 1֊ից հաշվառված կամ գրանցված տնտեսվարողների հանդեպ:
Այսինքն, նորաբաց բիզնեսը, մինչև շրջանառության չափը պարզելը և ներկայացնելը կօգտվի այս արտոնությունից:

Այսպիսով՝ փորձում ենք դիվերսիֆիկացնել խոշորի և փոքր ու միջինի պայմանները, որոնք նախկինում միասնական են եղել»:

Այսօր կայացած արտահերթ նիստում Երևանի Ավագանին միաձայն հավանություն տվեց փոքր և միջին բիզնեսին տեղական տուրքերի…

Gepostet von Իզաբելլա Աբգարյան am Dienstag, 15. Januar 2019