Տպել
Հոլիվուդի աստղ Բրեդ Փիթը եւ նրա կինը՝ Անջելինա Ջոլին, որի հետ նրանք դատավարության մեջ են ապահարզանի շուրջ, համաձայնության են եկել, թե ում հետ են ապրելու իրենց վեց երեխաները: Ըստ Associated Press-ի՝ դերասանը կնոջ հետ հավասար իրավունքներ չի ստանա, նա կարող է սոսկ այցելել երեխաներին:
AP-ն նշում է, որ ունի դրա վերաբերյալ Ջոլիի ներկայացուցիչների հայտարարությունը: Փաստաթղթի համաձայն՝ դերասանները համաձայնության են եկել հոկտեմբերի վերջին, կոնսուլտացիաներին մասնակցել են դեռահասների խնամքի մասնագետներ: Փիթի ներկայացուցիչներն առայժմ չեն մեկնաբանել ստացված տեղեկատվությունը:
Ավելի վաղ տեղեկացվել էր, որ Փիթը դատարանին խնդրել Է իրեն երեխաների նկատմամբ խնամակալության նույնպիսի իրավունքներ տրամադրել, որոնք ներկայում ունի Ջոլին: Դերասանը դժգոհել Է, որ բոլոր վեց երեխաներն ապում են իր կնոջ հետ, իսկ ինքը սոսկ կարող է այցելել նրանց:
Զույգը միասին ապրել Է տասը տարի եւ ամուսնացել միայն 2014 թվականի օգոստոսի 23-ին: 52-ամյա Բրեդ Փիթը եւ 41-ամյա Անջելինա Ջոլին ունեն 8-ից 15 տարեկան վեց երեխաներ, որոնցից երեքը հոգեզավակներ են, հաղորդել է ՏԱՍՍ-ը:
