Տպել
Մի խումբ քաղաքացիներ այսօր՝ փետրվարի 25-ին, կառավարության դիմաց բողոքի ակցիա են անցկացնում՝ պետական կառույցների աշխատակիցներին տրված պարգևավճարները պետական բյուջե վերադարձնելու պահանջով։
Քաղաքացիները նաև ստորագրահավաք են կազմակերպել, մեկ շաբաթվա ընթացքում հավաքվել է 4000 ստորագրություն։
«Մենք եկել ենք մեր պարտականությունն իրականացնելու, մենք թույլ չենք տա, որ նախկին իշխանությունների հագով կարած օրենքներով պետական պաշտոնյաները իրենք գլուխները մտցնեն մեր պետբյուջե, կատարեն նույնը, ինչ նախորդները։ Այս մարդիկ 8-9 մլն պարգևավճար են ստանում և ասում են ականջդ կանչի Շմայս, օրենքի տառին համապատասխան ներխուժում են պետբյուջե»,– նշեց քաղաքացիներից մեկը։
Հիշեցնենք, որ վերջին շրջանում բազմաթիվ քննարկումների առիթ են դարձել պետական տարբեր կառույցներում նախորդ տարվա վերջին տրված պարգևավճարներն ու դրանց չափը։
