Տպել
Ավստրալական ընկերություններից մեկն իր աշխատակիցներին առաջարկում է տարվա ընթացքում չաշխատել մինչև երեք ամիս, որպեսզի նրանք հասցնեն ապրել, սովորել ու ճանապարհորդել: Այդ մասին հայտնել է Lonely Planet-ը:
Ընկերության նոր կանոնների համաձայն, աշխատակիցները կարող են վեցից մինչև 12 շաբաթ չվճարվող արձակուրդ վերցնել, որն ընկերությունում համարում են «ապրելու համար նախատեսված», և, առաջին հերթին, ճանապարհորդությունների:
Նաև գործատուն առաջարկում է ժամանակավորապես՝ տարվա ընթացքում մինչև երեք ամիս, աշխատել ոչ լրիվ աշխատանքային օր:
«Մեր ուսումնասիրությունները ցույց են տալիս, որ գործատուի ճկունությունն ամենագլխավոր ուժն է աշխատակիցներին պահելու համար,-պատմում է Քեյթ Հիլմանը՝ ընկերության կադրերի բաժնի աշխատակիցը:- Աշխատանքի մեր նոր քաղաքականությունն անհրաժեշտ միջոց է՝ կապված է տաղանդների համար մրցակցության ուժեղացման հետ»:
