Տպել
«Յուրաքանչյուր վարչական շրջանում կան հողատարածքներ, էն «ամենայուղոտ» տարածքները, որ շատ ցածր գներով գնվել են կա՛մ թաղապետերի, կա՛մ իրենց մերձավորների կողմից և ցավոք սրտի այսօր արդեն գրանցված են, սեփականության վկայականներ ունեն: Այս պրոցեսը մոտ 20 տարի տևել է: Եվ այսօր կան ծրագեր, որ մենք ուզում ենք իրականացնել և դրանց խանգարում է այդ հանգամանքը»,- ասյօր Եվրոպայի հրապարակի պաշտոնական բացման արարաողությունից հետո ասաց Երևանի քաղաքապետ Հայկ Մարությանը:
Մարությանի խոսքով՝ քաղաքապետարանն այժմ բանակցում է այդ սեփականատերերի հետ, որ այդ հողատարածքները փոխանակեն այլ տարածքների հետ: «Եթե մեզ պետք է մի հողակտոր ինչ-որ մի ծրագրի իրականացման համար, մենք բանակցում ենք նրանց հետ, որ իրենք զիջեն մեզ այդ տարածքները և մենք համանման ուրիշ հող իրենց տանք այլ տարածքում: Ցավն այն է, որ սեփականաշնորհվել են նաև այգիների տարածքներ, որն ամենադաժանն է: Մարդիկ գալիս են մեզ մոտ տվյալ տարածքներում շինթույլտվություն ստանալու համար, բնականաբար, մենք մերժում ենք: Մարությանը նշեց դրանցից մի քանիսը՝ Նոր Նորքի, Դավթաշենի տարածքում գտնվող այգիներում: «Երևանի գրեթե բոլոր այգիներում կան սեփական հողեր»,- եզրափակեց քաղաքապետը:
