Տպել
Վահան Իշխանյանը ֆեյսբուքյան իր էջում գրում է. «Վեթթինգ բոլոր այն դատավորներին, ովքեր հեղափոխականների դեմ վճիռ կկայացնեն
Այն բանից հետո, երբ դատարանը վճռել է որ Առողջապահության նախարար Արսեն Թորոսյանը զրպարտել է «Սուրբ Գրիգոր Լուսավորիչ» բժշկական կենտրոնի տնօրեն Արա Մինասյանին և պարտավորցրել հերքել զրպարտությունը, Արսեն Թորոսյանը վիրավորել է դատավորին և ասել՝ նրան վեթթինգի են ենթարկելու։
Արդեն հայտնի էր, որ վեթթինգի են ենթարկվելու այն դատավորները ովքեր վճիռներ կկայացնեն, որոնք վարչապետի սրտով չեն լինելու։ Թե ինչպես դատավորը պետք է կողմնորոշվի որ վճիռն է լինելու վարչապետի սրտով, կախված է նրա ունակություններից, որը կստուգի վեթթինգի հանձնաժողովը։
Հիմա պարզվեց վեթթինգի 2-րդ կետը.
Այն դատավորը՝ ով նախարարի դեմ վճիռ կկայացնի, կենթարկվի վեթթինգի։
Սակայն հարց է մնում.
Դատավորները մինչև ո՞ր աստիճանի պաշտոնյաների դեմ իրավունք չունեն վճիռներ կայացնելու, վարչապետի՞, սա պարզ է, նախարարների՞, հավանաբար, իշխող կուսակցության պատգամավորների՞, նույնպես, իսկ փոխնախարարների և վարչության պետերի դեմ կարո՞ղ են վճիռ կայացնել։
Ահա, պետք է վեթթինգի օրենքում այս հարցը հստակեցնեն, քանի որ դատվորների համար իրոք դժվար կլինի կողմնորոշվել։
Պարզաբանումը նաև քաղաքացիներին է անհրաժեշտ, որ նրանք իզուր տեղը պաշտոնյաների դեմ հայց չներկայացնեն»։
Վիթինգ բոլոր այն դատավորներին ովքեր հեղափոխականների դեմ վճիռ կկայացնենԱյն բանից հետո, երբ դատարանը վճռել է որ…
Gepostet von Vahan Ishkhanyan am Samstag, 8. Juni 2019
