«Եթե զգուշացնելուց, խնդրելուց հետո էլ մարդիկ չեն ենթարկվում պարզ, օրինական պահանջին, նրանց պետք է պատժել»․ նախարար. «Ազատություն»

Այսօր ՀՀ առողջապահության նախարար Արսեն Թորոսյանն անդրադարձավ օրերս երթուղայինում տեղի ունեցած վիճաբանությանը։

«Մեր խնդիրն է մշակութային փոփոխությունները, որովհետև միայն պարտադրանքով, տուգանելով հարց չի լուծվի։ Կուզենայի, որ ամբողջ բնակչությունը լիներ պահանջատեր իր իրավունքներին և առնվազն չխոչընդոտեր նման մարդկանց, ովքեր բարձրաձայնում են դրա մասին։ Այսինքն՝ եթե նույնիսկ դու ինքդ չես դիմում վարորդին, չպետք է խոչընդոտես օրինական իրավական իր առողջությունը պահպանող պահանջ ներկայացնող մարդուն»,- «Ազատության» եթերում ասաց նա։