Տպել
Հանրային կառավարման մասնագետ Սոսի Թաթիկյանը ֆեյսբուքյան իր էջում գրել է.
«Անցյալ տարվա ապրիլի կեսերին այլևս չկարողացա հեռավոր Ադդիս Աբեբայից հետևել հեղափոխությանը, տոմս գնեցի ու ժամանեցի Երևան: Ամսի 21-ի հուզումնալից օրը իմ ֆրանսիացի դասընկերների հետ մասնագիտական զանգ ունեցա, որի սկզբում նրանք հետաքրքրությամբ հարցրեցին, թե Հայաստանում ինչ է տեղի ունենում: Նրանց առաջին ենթա-հարցն այն էր, թե մեր հեղափոխությունը և այն առաջնորդող ուժն ինչ տիպի է` աջ թե ձախ, սոցիալիստական, լիբերալ, ցենտրիստ թե կոնսերվատիվ, մի խոսքով` ինչ -իզմի է պատկանում:
Ես շփոթվեցի այդ հարցից ու ասեցի, որ չեմ կարող պատասխանել, քանի որ Հայաստանում գործընթացները այլ գաղափարների շուրջ են միավորվում: Հետո ժամանակ առ ժամանակ հիշում էի այդ խոսակցությունն ու մտածում, որ հասարակ հարցի չեմ կարողացել պատասխանել:
Այսօր հասկացա, որ փաստորեն ճիշտ եմ պատասխանել»:
