«Դուք Ձեր վիճակը պատկերացնո՞ւմ եք, երբ կտապլվի այս ռեժիմը… Գևորգ Կոստանյանի վրա ինչ-որ գործ կարկատելու մասին»

Միհրան Հակոբյանը ֆեյսբուքյան իր էջում գրում է. «Դատավոր Արտուշ Գաբրիելյանը որոշեց կալանավորել Նորայր Փանոսյանին, որ Սահմանադրական դատարանը Նիկոլ Փաշինյանի ռեժիմի գրպանում տեղավորելու օպերացիային իր մասնակցությունն ունենա:

Նիկոլ Փաշինյանի քաղաքական շահերի համար հրահանգով գործ կարող քննիչներին, դատախազներին և դատավորներին հիշեցրեք, որ Վահագն Հարությունյանը հետախուզման մեջ է, ռեժիմը մտմտում է նաև Գևորգ Կոստանյանի վրա ինչ-որ գործ կարկատելու մասին:

Երկուսին էլ իրենք շատ լավ ճանաչում են, երկուսի մասնագիտական, մարդկային և տղամարդկային հնարավորություններից լավ տեղյակ են, ուստի հարց տվեք. դուք Ձեր վիճակը պատկերացնո՞ւմ եք, երբ կտապլվի այս ռեժիմը»: