Տպել
Միացյալ Նահանգների ղեկավարի ավագ որդին՝ Դոնալդ Թրամփ-կրտսերը, մարտի 8-ին հայտարարել Է, որ մտադիր չԷ երկրի նախագահի պաշտոնի համար իր թեկնածությունն առաջադրել 2024 թվականի ընտրություններում: Նա այդ մասին պատմել Է Axios տեղեկատվական պորտալին տված հարցազրույցում:
Փետրվարին պորտալի կողմից անցկացված հարցման համաձայն, Հանրապետական կուսակցության կողմնակիցների 29 տոկոսը կցանկանար 2024 թվականին նախագահի իր թեկնածու տեսնել պետության ներկայիս ղեկավարի ավագ որդուն: Փոխնախագահ Մայքլ Փենսին աջակցում Է 40 տոկոսը, ՄԱԿ-ին առընթեր ԱՄՆ-ի նախկին մշտական ներկայացուցիչ Նիքի Հեյլիին՝ 26 տոկոսը, իսկ ԱՄՆ-ի ղեկավարի դստերը՝ Իվանկա Թրամփին՝ 16 տոկոսը, պետքարտուղար Մայքլ Փոմպեոյին՝ 13 տոկոսը: Հարցման մասնակիցներին թույլատրվել Էր ընտրել իրենց դուր եկած միանգամից մի քանի հնարավոր թեկնածուների:
«Լսեք, ես չեմ պատրաստվում 2024 թվականին իմ թեկնածությունն առաջադրել նախագահի պաշտոնի համար: Իմ միակ նպատակն Է՝ այնպես անել, որ իմ հորը վերընտրեն»,-նշել Է Թրամփ-կրտսերը: Նա նաեւ պատմել Է, որ Վաշինգտոնի վարչակազմի ղեկավարն իրեն խնդրել Է՝ «ավելի հանգիստ լինել» Twitter-ում: ԱՄՆ-ի նախագահի 59-րդ ընտրությունները տեղի կունենան նոյեմբերի 3-ին, հաղորդել Է ՏԱՍՍ-ը:
