Տպել
Երբ առողջապահության նախարարության մոր եւ մանկան առողջության պահպանման բաժնի աշխատակիցները նորածին երեխաների մայրերին հարցրել են, թե ինչու են երեխաներին բարուրում, գերակշիռ մասը պատասխանել է, թե իրենց այդպես են ասել սկեսուրները: Մայրերի կարծիքով՝ բարուրած երեխան չի մրսում, ոտքերն էլ ուղիղ են լինում:
impoqrik.am կայքի փոխանցմամբ՝ Մոր եւ մանկան առողջության պահպանման գիտահետազոտական կենտրոնի նեոնատալոգ Հովհաննես Ղազարյանը ճիշտ հակառակն է պնդում: Ըստ նրա` բարուրած երեխան ավելի շուտ է մրսում, քանի որ չի շարժվում, էներգիա չի արտադրում, եւ մարմինը սառում է: Բժիշկը հորդորում է չբարուրել երեխաներին, քանի որ նրանց մոտ կարող են առաջանալ կոնքազդրային հոդախախտումներ:
«Ծննդաբերող կինն իր հետ հիվանդանոց է բերում բարուրաշորեր եւ բուժաշխատողների անկեղծ կամ կեղծ հորդորները, որ պետք չէ
«Ավանդապաշտ» ընտանիքներում կտրուկ արգելված է նաեւ մինչեւ 40 օրը լրանալը երեխային զբոսանքի տանելը՝ պատճառաբանելով, թե երեխային զերծ են պահում վիրուսներից: «Մենք չենք ասում` երեխային տարեք մարդաշատ վայրեր, կարելի է ամեն օր ընդամենը 5-10 րոպե մաքուր օդի հանել»,- ասում է Հովհաննես Ղազարյանը:
Բժիշկը մայրերին նաեւ խորհուրդ է տալիս ձերբազատվել երեխայի պորտը մշակելու արատավոր սովորույթից, իհարկե, եթե դրա խիստ անհրաժեշտությունը չկա:
«Չեմ ժխտում, որ կգտնվեն բուժաշխատողներ, որոնք պորտ մշակելու միջոցով կփորձեն ցույց տալ իրենց «բարձր» կարգը, բայց պետք է հասարակությանը ցույց տանք, որ պորտ մշակելը վտանգավոր երեւույթ է»,- նշում է Հ. Ղազարյանը:
