Տպել
Լոս Անջելեսի իշխանությունները դեկտեմբերի 5-ին անվտանգության ամրապնդման լրացուցիչ միջոցներ են ձեռնարկել պայթյունի վերաբերյալ ստացված տեղեկատվության կապակցությամբ, որը, ինչպես ենթադրվում է, նախապատրաստվում է գերքաղաքի մետրոպոլիտենում: Այդ մասին հայտնել է «Ասոշիեյթեդ պրես» գործակալությունը:
Լոս Անջելեսում Հետաքննությունների դաշնային բյուրոյի ստորաբաժանման փոխտնօրեն Դիրդրի Ֆայքը հայտնել է, որ բյուրոյի աշխատակիցները համապատասխան նախազգուշացումն ստացել են արտասահմանցի գործընկերներից: Նախապատարստվող գրոհն իբր կարողէ օրվա ընթացքում տեղի ունենալ «Յունիվերսել սիթի» կայարանում: Ֆայքի խոսքով՝ առայժմ հնարավոր չէ պարզել տեղեկատվության ստուգությունը, սակայն իշխանությունները չեն ցանկանում ռիսկի դիմել և արդեն միջոցներ են ձեռնարկում, հաղորդել է ՏԱՍՍ-ը:
