Տպել
Ամբողջ աշխարհում երեխաների մոտ 40 տոկոսը տառապում է երկաթի դեֆիցիտով: Ցյուրիխի Շվեյցարական բարձրագույն տեխնիկական դպրոցից գիտնականները պարզել են, որ այս նյութի դեֆիցիտը ոչ միայն անեմիա է առաջացնում եւ դրանից բխող բոլոր խնդիրները, այլեւ նվազեցնում է պատվաստանյութերի արդյունավետությունը: Այս մասին են վկայում Քենիայում անցկացված երկու կլինիկական հետազոտությունների արդյունքները:
Բժշկական գիտությունների եւ տեխնոլոգիաների ֆակուլտետից Մայքլ Ցիմերմանի գլխավորած հետազոտական խումբը Քենիայից, Մեծ Բրիտանիայից, Նիդեռլանդներից եւ ԱՄՆ-ից գիտնականների հետ համագործակցությամբ մտադրվել է որոշել ծնվելուց մինչեւ 18 ամսական քենիացի 303 երեխաների արյան նմուշներում ներարկված պատվաստանյութից հակագեների հանդեպ երկաթի եւ հակամարմինների մակարդակները:
Հետազոտությունը ցույց է տվել, որ 10 շաբաթական երեխաների կեսից ավելին արդեն տառապել է անեմիայով, իսկ 24 շաբաթականում ավելի քան 90 տոկոսի մոտ հոմեգլոբինի եւ էրիթրոցիտների մակարդակը ցածր էր: Ընդ որում՝ երկաթի դեֆիցիտով եւ անեմիայով 18 ամսական երեխաների արյան մեջ 2 անգամ ավելի հաճախ են հայտնաբերել դիֆթերիայի, պնեւմոկոկերի եւ այլ ախտածինների դեմ պաշտպանական հակամարմինների պակասը նրանց համեմատությամբ, ում մոտ երկաթի պակաս չի եղել:
