Տպել
Forbes ամերիկյան հանդեսը կազմել է աշխարհի ամենահարուստ հայտնիների ամենամյա վարկանիշը: Ցուցակի առաջատարը դարձել է կինոռեժիսոր Ջորջ Լուկասը, որի կարողությունը գնահատվում է 4,6 մլրդ դոլար:
2012 թվականին Լուկասն իր Lucasfilm ընկերությունը 4,05 մլրդ դոլարով վաճառել է The Walt Disney Company կոնգլոմերատին: Կինեմատոգրաֆիստը հայտնի է «Աստղային պատերազմներ» ֆանտաստիկ սագայով և Ինդիանա Ջոնսի մասին ֆիլմերով:
Երկրորդ տեղում հայտնվել է ռեժիսոր Սթիվեն Սփիլբերգը՝ 3,7 մլրդ դոլարով: Երրորդ հորիզոնականն զբաղեցրել է ամերիկացի հեռուստահաղորդավարուհի Օփրա Ուինֆրին՝ 2,8 մլրդ դոլար կարողությամբ:
Վարկանիշում տեղ են գտել բասկետբոլիստ և դերասան Մայքլ Ջորդանը, ռեփերներ Դիդին, Դոկտոր Դրեն և Ջեյ-Զին, գրող Ջեյմս Փաթերսոնը, գոլֆիստ Թայգեր Վուդսը, ինչպես նաև երաժիշտներ Բարբարա Սթրեյզենդը, Ջոն Բոն Ջովին և Բրյուս Սփրինգսթինը:
