Ֆրանսուազ Սագան. ինչպես հրաժեշտ տալ տխրությանը

Գրելով իր դեբյուտային վեպը՝ «Բարև, թախիծը», Ֆրանսուազ Սագանը ստացավ իր գրքի համար առաջին հոնորարը: Այն շրջանում, երբ նա փող չուներ, ինքն իրեն խոստացավ՝ գրքի առաջին մրցանակը «մի լավ կվայելի»:

Ճիշտ է, նա երազում էր իր համար փոքրիկ բնակարան գնել, բայց այդ մտքերը հեռացրեց իրենից, քանի որ երդումը երդում էր, պետք էր կատարել։ Ստանալով պարկեշտ հոնորար՝ գրողը մեկնեց Օնֆլյոր և Դովիլ հանգստավայրեր: Գրեթե ամբողջ գումարը ծախսելուց հետո նա գնաց խաղատուն՝ մնացած գումարով խաղալու: Սագանը պաշտում էր 3, 8, 11 թվերը՝ նրա նվիրական թվերն էին։

Կորցնելով նախկին շքեղության գրեթե ամբողջ մնացորդը՝ նա խաղադրույք արեց «8 սև»-ի վրա և հաղթեց. առավոտյան խաղատանը նա արդեն շահել էր գրեթե 300 հազար եվրո (ժամանակակից փոխարժեքով). 3, 8 և 11 թվերը հաջողություն բերեցին հարբած Ֆրանսուազին:

Խաղատանը շահելուց և ամենաթանկ շամպայնը խմելուց հետո, նա գնաց իր հյուրանոցը փնտրելու։ Ասում են՝ շամպայնը խառնում է մտքերը, մտադրություններն ու ճանապարհները։ Շուտով նա տեսավ մի շատ գեղեցիկ առանձնատուն, որից բացվում էր գեղատեսիլ տեսարան։ Դա մասնավոր ընտանեկան հյուրանոց էր։

Տաքսուց դուրս գալուց հետո նա զրուցեց գույքի սեփականատիրոջ հետ, որն ասաց, որ հյուրանոցը լեփ-լեցուն է: Այդ ժամանակ Ֆրանսուազը պատասխանեց, որ ինքն ուզում է քնել և շատ հարբած է։ Սեփականատերը միայն ուսերը թոթվեց՝ ասելով, որ ոչինչ չի կարող անել։ Ֆրանսուազը հարցրեց, թե որքան արժե տունը, սեփականատերը պատասխանեց՝ 200.000 եվրո (ժամանակակից փոխարժեքով)։ Հարբած Սագանն ի պատասխան իր պայուսակից հանեց ու սեղանին գցեց 300.000 և ապշած սեփականատիրոջը հայտարարեց, որ ինքը սենյակ չի ուզում, նա գնում է ամբողջ հյուրանոցը:

Սեփականատերը շշմած հայացքով քրթմնջաց. «Ի՞նչ անել հյուրերի հետ»։ Գրողը պատասխանեց՝ թող ապրեն այս ամառ, իսկ ինքը առանձնատունը կվերցնի աշնանը։

Ֆրանսուազ Սագանն իր գրեթե ամբողջ կյանքն անցկացրել է այս տանը։ Նա այն անվանում էր «իմ սրտի տունը»: Այսօր այդ տունը գրողի տուն-թանգարանն է, այս փխրուն, հմայիչ կնոջ, որը «թալանեց» խաղատունը և ինքն իրեն ասաց՝ «Ցտեսություն, թախիծ»: