Տպել
Ավստրալիայի Մելբուռնի համալսարանի հետազոտողները նշել են, որ մուգ շոկոլադը պարունակում է օգտակար աղիքային մանրէներ՝ դրանով իսկ խթանելով եւ նպաստելով մարսողության պրոցեսին։ Պրոբիոտիկներով (կենդանի մանրէներ) հարուստ լինելը թույլ է տալիս ուժեղացնել այդ շոկոլադի դրական էֆեկտը։ Արդյունքները հրապարակվել են Food Bioscience ամսագրում։
Գիտնականները նշել են, որ մուգ շոկոլադը առողջության համար օգտակար հատկություններ ունի։ Մասնավորապես, այն կարող է վերակառուցել մանրէների տարատեսակությունն ու առատությունը աղիների աշխատանքը կարգավորելու համար։ Բանն այն է, որ մուգ շոկոլադի հիմնական բաղադրիչը՝ կակաոն, գործում է որպես պրեբիոտիկ։ Պրեբիոտիկները սննդի բաղադրիչներ են, որոնք չեն մարսվում եւ չեն յուրացվում աղեստամոքսային տրակտի վերին հատվածներում։ Դրանք վերամշակվում են եւ դառնում օգտակար միկրոֆլորա հաստ աղիում։
Այդ դրական էֆեկտն ուժեղացնել կարելի է շոկոլադի մեջ պրոբիոտիկներ ավելացնելով՝ կենդանի միկրոօրգանիզմներ, որոնք օգտակար են տիրոջ համար համարժեք քանակությունների դեպքում։ Հետազոտության ընթացքում գիտնականները պրոբիոտիկներով հարստացրել են մուգ շոկոլադը (պարունակում է 70 տոկոս կակաո) եւ կաթնային շոկոլադը (45 տոկոս կակաո)։ Պարզվել է, որ դրա կիրառումը նպաստում է մարսողության օգտակար կողմնակի մթերքների ստեղծմանը, որոնք հայտնի են որպես պրոբիոտիկներ։
Պրոբիոտիկներով հարստացած շոկոլադը նաեւ նպաստում է օգտակար ճարպաթթուների սինթեզին, որոնք կարգավորում են ախորժակը եւ էներգետիկ հոմեոստազը։
Հետազոտության հեղինակներն ընդգծել են, որ սովորական, գործարանային շոկոլադը եւս կարող է օգտակար լինել օրգանիզմի համար։ Նրանք խորհուրդ են տվել ընտրել մուգ շոկոլադը՝ կակաոյի 70 տոկոս պարունակությամբ եւ այն ուտեն չափավոր քանակությամբ։
