Տպել
Թուրքիայի նախագահ Ռեջեփ Թայիփ Էրդողանը գերմանական Die Welt պարբերականի թղթակից Դենիզ Յուջելին, որը ներկայումս ձերբակաված է Թուրքիայում, անվանել է գերմանական լրտես:
Այս մասին հայտնում է «Ռիա Նովոստի»-ն:
Էրդողանը Յուջելին մեղադրել է նաև մոտ մեկ ամիս Թուրքիայի գերմանական հյուպատոսությունում թաքնվելու մեջ:
Թուրք գերմանական հարաբերությունները Յուջելի ձերբակալության պատճառով վերջին օրերին ավելի են լարվել :
Յուջելի ձերբակալման առնչությամբ Բեռլինում Թուրքիայի դեսպան Ալի Քեմալ Այդընը փետրվարի 28-ին կանչվել էր Գերմանիայի արտաքին գործերի նախարարություն: Այստեղ նրան հայտնել էին, որ Յուջելի կալանավորումն անընդունելի է և անհամաչափ: Բացի այդ, նշվել էր, որ լրագրողի ձերբակալությամբ թուրք-գերմանական հարաբերություններն ավելի բարդ շրջան են թևակոխում:
Դենիզ Յուջելը մեղադրվում է ահաբեկչական կազմակերպությանը հարելու, տվյալների ոչ ճիշտ օգտագործման, ինչպես նաև ահաբեկչություն քարոզելու մեջ: Պատճառը Թուրքիայի էներգետիկայի և բնական պաշարների նախարար Բերաթ Ալբայրաքի էլեկտրոնային փոստի նկատմամբ իրականացված հաքերային հարձակումների թեման լուսաբանելն է:
