Տպել
«Իրականում, բացառությամբ 2-3 քաղաքական ուժերի, որոնց գաղափարախոսական, քաղաքական ուղղվածությունները, միգուցե, տարբերվում են մյուսներից, մնացածի մոտ այդքան էլ մեծ տարբերություն չենք տեսնում»,-այսօր «Հենարան» ակումբում հրավիրված ասուլիսի ժամանակ ասաց քաղաքագետ Սերգեյ Մինասյանն`անդրադառնալով խորհրդարանական ընտրություններին մասնակից քաղաքական ուժերի ծրագրերին:
Հարցին, թե որ կուսակցությունները կհայտնվեն խորհրդարանում, նա պատասխանեց. «Առնվազն ես գիտեմ մեկ կուսակցություն, որ չի լինելու, Կոմունիստական կուսակցությունն է: Խնդիրներ կարող են ունենալ Ազատ դեմոկրատները, Արթուր Բաղդասարյանի ուժը, Օհանյան-Րաֆֆի-Օսկանյան քաղաքական ուժը ևս լուրջ քարոզչության ու ճնշման տակ է: Առնվազն 4 քաղաքական ուժի մասին կարող ենք ասել, որ նրանք լինելու են խորհրդարանում»:
