Տպել
Արդեն տեղեկացրել ենք, որ Արմավիրի մարզկենտրոն Արմավիր քաղաքում այսօր տեղի է ունեցել «Ծառուկյան դաշինքի» հանրահավաքը, որտեղ ելույթ է ունեցել ԲՀԿ նախագահ Գագիկ Ծառուկյանը:
Հանրահավաքից առաջ Ծառուկյանին դիմավորելու նպատակով ԲՀԿ ակտիվը մարդկանց այնպես էր կանգնեցրել, որ հրապարակի մի հատվածը Գագիկ Ծառուկյանն անցներ հանրահավաքի մեջտեղում կանգնած մարդկանց ուղեկցությամբ:
Երբ նա աղուհացը համտեսեց, բազմաթիվ մարդիկ փորձեցին մոտենալ, բարևել և ինչ-որ խնդրի մասին տեղեկացնել ԲՀԿ նախագահին: Մի տարեց մարդ մոտենալով Գագիկ Ծառուկյանին, գրկեց նրան ու չէր ցանկանում բաց թողել: Գագիկ Ծառուկյանը երկար այդ դիրքով չմնաց, տարեց տղամարդուն գրկեց և երկու անգամ օդ բարձրացրեց, պապիկը դժգոհ չէր այդ գործողությունից, քանի որ գործընթացը ուղեկցվում էր ժպիտով:
Մեկ այլ ծերունի էլ բռնեց Գագիկ Ծառուկյանի ձեռքն ու բաց չէր թողնում: ԲՀԿ-ական պատգամավոր Արայիկ Աղաբաբյանն ու Ծառուկյանին ուղեկցող ևս մեկ անձ չկարողացան պապիկին համոզել, որ բաց թողնի Ծառուկյանին: Ձեռնամարտի ընթացքն էլ Գագիկ Ծառուկյանի լիաթոք ծիծաղով էր ուղեկցվում: Պապիկը երկար չդիմադրեց և կարճ անցած բաց թողեց Գագիկ Ծառուկյանի ձեռքը:
Առավել մանրամասն՝ տեսանյութում:
