Տպել
Մոսկվայի Տվերի շրջանի դատարանը ադմինիստրատիվ ազատազրկման է դատապարտել (15 օրով) ընդդիմադիր գործիչ Ալեքսեյ Նավալնուն: Դատարանը նրան մեղավոր է ճանաչել 19.3 հոդվածի հիման վրա (ոստիկանության օրինական պահանջին չենթարկվելու հոդվածը): Նավալնու պաշտպանները որոշել են բողոքարկել դատարանի վերը նշված վճիռը:
Նախկինում նույն դատարանը նրան տուգանել էր 20.000 ռուբլով, բողոքի ակցիաներ կազմակերպելու համար:
Նշենք, որ ս.թ. մարտի 26-ին Ալեքսեյ Նավալնին Մոսկվայի Տվերի փողոցի վրա երթի ժամանակ բախվել է ոստիկանների հետ, որի արդյունքում նա հայտնվել է օրինապահ մարմինների հսկողության տակ: Բողոքի երթին տարբեր տվյալներով մասնակցել է 8-20 հազար մարդ: Մասնակիցներից շուրջ 1000 հոգի բերման են ենթարկվել:
meduza.io
