Իբրահիմովիչն իրեն համեմատել է Բենջամին Բատոնի հետ

Անգլիական «Մանչեսթեր Յունայթեդի» շվեդ հարձակվող Զլատան Իբրահիմովիչը հերթական աղմկահարույց հրապարակումն է կատարել` Instagram-ի իր էջում հրապարակելով «Բենջամին Բատոն» խորագրով լուսանկար:

Բենջամին Բատոնը Դևիդ Ֆինչերի ֆիլմի հերոսն է: Նա ամեն օր ավելի երիտասարդ էր դառնում:

35-ամյա Իբրահիմովիչը հիանալի մրցաշրջան է անցկացնում: Անցկացրած 41 խաղում նա խփել է 26 գնդակ և կատարել 9 արդյունավետ փոխանցում: