Չինաստանում կայծակը հարվածել է հեռուստահաղորդավարին ուղիղ եթերի ժամանակ

Չինաստանի Dalian TV հեռուստաալիքի հաղորդավարին կայծակն է հարվածել ուղիղ եթերի ժամանակ: Այդ մասին գրել է South China Morning Post թերթը:

Միջադեպը տեղի է ունեցել, երբ Լու Սյաոդունը փողոցում կանգնած պատմում էր եղանակի կանխատեսման մասին: Այդ պահին քաղաքում ամպրոպ է եղել:

Տեսագրության մեջ, որը YouTube-ում հրապարակել է «Ժենմին ժիբաո» թերթը, պայծառ բռնկում է երևում եթերի պահին, ինչից հետո հաղորդավարը ճչում է և դեն նետում հովանոցը, որին, ենթադրաբար, հարվածել է կայծակը:

«Ձեռքս թմրեց, ես էլեկտրականության պես դեղին կայծեր տեսա ձեռքիս և հովանոցի բռնակի վրա»,- մեջբերում է անում հաղորդավարի խոսքից South China Morning Post թերթը, հաղորդել է ՌԻԱ Նովոստին: