Ըմբշամարտի ԵԱ. Արթուր Ալեքսանյանը` բրոնզե մեդալակիր

Սերբական Նովի Սադ քաղաքում շարունակվում է ըմբշամարտի Եվրոպայի առաջնությունը:

Հունահռոմեական ոճում 98 կգ քաշային Արթուր Ալեքսանյանը երրորդ տեղի համար գոտեմարտում 5:0 հաշվով հաղթեց Ուկրաինան ներկայացնող Դմիտրի Տիմչենկոյին:

Հիշեցնենք, որ Արթուր Ալեքսանյանը սփոփիչ գոտեմարտում 4:3 հաշվով հաղթել էր Չեխիայի ներկայացուցիչ Արթուր Օմարովին:

Քառորդ եզրափակչում Ալեքսանյանը պարտություն էր կրել նորվեգացի Ֆելիքս Բալդաուֆից, այնուհետև սփոփիչ գոտեմարտի իրավունք ստացել, քանի որ Բալդաուֆը հասավ մինչև եզրափակիչ:

Եվրոպայի առաջնությանը Արթուր Ալեքսանյանի մասնակցությունը հաստատվեց միայն վերջին օրերին, քանի որ մարզման ժամանակ հայ ըմբիշը ծնկի վնասվածք էր ստացել:

armsport.am