Տպել
Հայաստանի ազգային հավաքականի և «Ուրալի» հարձակվող Էդգար Մանուչարյանը «Наша Газета»-ի ներկայացուցչի հետ այցելել է Եկատերինբուրգի «SteakHouse» ռեստորան: Հայ ֆուտբոլիստը ռեստորանի ավագ խոհարար Միխայիլ Առաքելովի հետ պատրաստել է իր սիրելի ուտեստը` տոլման:
– Մենք` հայերս, սիրում ենք համեղ ուտեստներ: Ամռանը մեզ մոտ ամեն ինչ համեղ է` բանջարեղենը, պանիրը, լավաշը, խորովածը, տոման, այն` ինչ կցանկանաք: Մեկ անգամ կժամանես Հայաստան, կհամտեսես և չես ցանկանա հեռանալ:
– Դուրս է գալիս, որ պետք է արտասանել «տոլմա», այլ ոչ թե «դոլմա»
– Մենք ասում ենք «տոլմա»
– Դա ամենօրյա՞ ուտեստ է, թե՞ պատրաստվում է հատուկ դեպքերում:
– Ես տանը հազվադեպ եմ լինում: Եվ, իհարկե, երբ Հայաստանում եմ լինում, մայրս պատրաստում է, որպեսզի համը չմոռանամ:
– Սիրո՞ւմ եք այս ուտեստը:
– Կարծում եմ` Հայաստանում բոլորն են սիրում: Ինձ դուր է գալիս, երբ այն պատրաստում է տատիկս: Չեմ հանդիպել որևիցէ մեկի, ով տոլմա չի սիրի կամ կասի, որ այն համեղ չէ:
Բացի այդ, Էդգարին դուր է գալիս խաշլաման և խաշը
– Մայրիկս ամեն ինչ շատ համեղ է պատրաստում: Ես այնպիսի մարդ եմ, որ ինչ էլ մատուցեն` կուտեմ: Մի խոսքով, երբ Հայաստան եմ վերադառնում, ավելացնում եմ քաշս մոտ 10 կիլոգրամով:
– Հայաստանում ավելի հաճախ պատրաստում են կանա՞յք, թե՞ տղամարդիկ:
– Դե, խորովածը, իհարկե, տղամարդիկ: Չնայած` խաշլաման և տոլման երբեմն նույնպես տղամարդիկ են պատրաստում:
– Դուրս է գալիս, որ ինչ կապված է մսի հետ, պատրաստում են տղամարդիկ:
– Գրեթե:
– Մանուկ հասակում օգնե՞լ ես մայրիկիդ:
– Ոչ: Իհարկե, տարօրինակ է հնչում: Քանի որ 16 տարեկանից միայնակ եմ ապրել: Պետք է պատրաստել իմանալ: Սակայն ես ժամանակ առ ժամանակ ռեստորաններ եմ հաճախել: Չնայած վերջերս, երբ հանդես էի գալիս Թաիլանդում, պատրաստելու փորձեր եմ կատարել: Եթե անկեղծ լինեմ` ինձ դուր եկավ: Կցանկանայի պատրաստել սովորել: Մարզումներից հետո վերադառնում և չես մտածում պատրաստելու մասին: Ցանկանում ես պարզապես ուտել և հանգստանալ:
– Խորոված պատրատե՞լ ես:
– Խորովածը միշտ հայրս էր պատրաստում: Նա թույլ չէր տալիս պատրաստման ընթացքում ինչ-որ մեկը միջամտեր: Անձամբ ես խորոված եմ պատրաստել մի քանի անգամ:
– Ի՞նչ կգտնենք քո սառնարանում:
– Յոգուրտներ, կաթ, պանիր, աղցաններ:
– Քաղցրավենիքից ինչ-որ բան կա՞:
– Ոչ: Տանը հազվադեպ եմ քաղցր օգտագործում: Երբեմն, երբ արթնանում եմ ուշ երեկոյան, քաղցրի պահանջ եմ զգում: Վատն այն է, որ տանը քաղցր չի լինում:
– Կծո՞ւ, թե՞ քաղցր:
– Կծու:
– Մի՞ս, հա՞վ, թե՞ ձուկ:
– Ամեն ինչ սիրում եմ, սակայն` ավելի շատ միս:
– Տապակա՞ծ, թե՞ եփած:
– Տապակած:
– Սա՞ռը, թե՞ տաք:
– Իհարկե սառը, նույնիսկ ձմռանը:
– Բանջարեղե՞ն, թե՞ մրգեր:
– Մրգեր:
– Սո՞ւրճ, թե՞ թեյ:
– Սուրճ, չնայած, որ նախկինում չէի խմում: Սիրել եմ սկսել վերջին 2-3 տարեինրին:
armsport.am
