Տպել
Ռեժիսոր Արշակ Զաքարյանը ֆեյսբուքյան իր էջում գրում է. «Դավիթ Աթոյանը «Դիրքերում» հաղորդաշարում աշխատում է ուղիղ մեկ տարի: Դավիթի հավասարակշռված լինելու մասին պետք է հարցնել ոչ թե ինչ-որ դրսից ֆինանսավորվող հկ-ների, այլ զինվորներին, սահմանապահներին, մեր այցելած դիրքերի և զորամասների հրամանատարներին և գործընկերներին:
Դավիթին վերցրել եմ իմ հետ աշխատելու ոչ թե նրա օպերատրական հմտությունների և փորձի հիման վրա, այլ հաշվի առնելով, որ սոցիալապես ծանր վիճակում էր, ուներ երեք երեխա, որոնցից մեկը ունի նաև առողջական խնդիրներ և, իհարկե, հաշվի է առնվել նաև նրա անվախությունը, նվիրվածությունը Հայրենիքին և մեր սահմանների պաշտպանությունը, և, իհարկե, զինվորական փորձը, քանզի Դավիթը ինքը երկու տարի անսխալ ծառայել է մարտական դիրքերում:
Այսօր նրան դիրքեր թույլատրել չթույլատրելու հարց բարձրացողները նրա ծառայության ժամանակ գային պահանջեին, որ նրան թույլ չտային երկու տարի զենքով դիրք պահեր: Դավիթի անձնական խնդրիներին ծանոթ չեմ եղել, բայց իմ հետ աշխատանքի ընթացքում, ինչպես և ցանկացած երիտասարդի հետ աշխատելիս, անձնական օրինակով միշտ քարոզել եմ ընտանիքի ամրության կարևորությունը:
Դավիթը չխոսկան, լուրջ և անտրտունջ չանապարհի ընկեր է, աշխատանքի բնույթի պատճառով շատ անգամ ենք հայտնվել և կրակահերթերի տակ և անտանելի եղանակային պայմաններում, և անանցանելի հատվածներում, նա բոլոր դեպքերում էլ իրեն դրսևորել է որպես սառնասիրտ, անվախ, խուճապի չմատնվող և իր առաձ դրված խնդիրները գերազանց կատարող անձնավորություն:
Դավիթի կնոջ հետ ծանոթացել եմ և իմացել չորրորդ երեխային սպասելու մասին միայն Դավիթի վիրավորվելուց հետո, երբ մենք առաջարկել ենք, որ երեխաներին և կնոջը տեղափոխել Երևան և տուն վարձել հիվանդանոցի մոտ, որպեսզի պահանջվող երկար բուժման ընտացքում միասին լինեն և մենք էլ կարողանանք օգնել նրա ընտանիքին:
Հայոց Ազգային Գվարդիան անմիջապես ձեռնամուխ է եղել Դավիթին և նրա ընտանիքին օգնելու գործին:
Դավիթի կինը խոստովանում է, որ արդեն մեկ տարի է, որ Դավիթը ձեռք չի բարձրացրել նրա վրա՝ ասելով, որ նախկինում եղել են դեպքեր, բայց ինչ սկսել է աշխատել հիմնական մեր հաղորդման համար, նման դեպք չի գրանցվել:
«Կիսաբաց Լուսամուտներ» հաղորդման մասին իմացել ենք, երբ անմիջապես Դավիթի վիրավորվելու լուրերը տարածվելուց հետո ինչ-որ ստահակներ դիտմամբ տարածել են նման ինֆորմացիա՝ Դավիթի անունը սևացնելու համար:
«Կիսաբաց լուսամուտների» եթեր դուրս չգալու համար դիմել են ոչ միայն Դավիթը, այլ նաև նրա կինը և երկկողմանի ծնողները:
Թե այդ պատվազուրկ հաղորդումը ինչ մեթոդներով է մարդկանց տանում եթերի, դա արդեն մի այլ հարց է, որոշ անգրագետներ, եթե գտնում են, որ դա ընտանիքին օգնելու լավագույն տարբերակն է, ապա ասեմ, որ Դավիթի ընտանիքը երբեք չէր միավորվի, եթե հույսը մնար այդ մարդկանց վրա:
Արդեն իսկ վերամիավորված և հաշտություն գտած ընտանիքի, ծանր վիրավորված և հանգիստի ու խաղաղության կարիք ունեցող ամուսնու համար նույն ինքը՝ Դավիթի կինը, երեխաների հետ գնացել էր հեռուստաընկերություն՝ խնդրելու իրեն իսկապես օգնել և եթեր չհանել տվյալ հաղորդումը:
Այ, հենց այդտեղ է երևում այդ հաղորդման իրական դեմքը, երբ նման խնդրանքը սրիկայաբար անտեսվել է: Դավիթը անձնական ինչ խնդիրներ է ունեցել, կամ թե ժամանակին ինչ սխալներ է գործել իր կնոջ երեխաների կամ ծնողների նկատմամբ, դա առանձին հարց է և այն արդեն իսկ լուծվում էր առանց ընտանիքը հանրայնորեն խայտառակելու կամ պախարակելու միջոցը կիրառելու, որը երբեք չի կարող օգտակար միջոց լինել:
Ես ոչ մի բառ չէի գրի տվյալ հաղորդման մասին, քանզի ամեն ոք ինքն է Աստծու առաջ պատասխանատու իր արած բարի կամ չար գործի համար, եթե ուղղակի սրիկայաբար և մտածված չհեռարձակվեր այդ էպիզոդը հենց հիմա հենց այս ժամանակ… Անկախ ամեն ինչից մենք շարունակելու ենք սատարել Դավիթին և իր ընտանիքին, քանզի Դավիթը մարտի դաշտում ցուցաբերել է աննակրագրելի խիզախություն, տոկունություն, սեփական կյանքը վտանգելով երեք ու կես ժամ առանց որևէ բժշկական օգնության կամ ցավազրկողի դիմացել անտանելի ցավերին, բոլոր իրան օգնության հասած ընկերներին խաբելով իր իրական վիճակի մասին, որպեսզի հանկարծ իր պատճառով մեկ այլ հայորդի չտուժի և միայն երբ 100% համոզվել է, որ անվտանգ է, թույլ տվել, որ իրեն դուրս բերեն: Եթե արիությունը և քաջությունն ու անձնազոհությունը ունեն ավելի վառ օրինակներ, խնդրում եմ ներկայացրեք: Այսքանը !!!
Հ.Գ. Դավիթը ամեն անգամ դիրք բարձրանալիս իրեն ուտելիքի համար տրամադրված գումարից տղերքին սիգարետ էր գնում և բաժանում՝ պատճառաբանելով, որ ինքը սոված չի և իրեն այդ գումարը հարկավոր չի!!!»:
