Տպել
Gazeta.ru-ի փոխանցմամբ` «Իսլամական պետություն» ահաբեկչական խմբավորումը նախազգուշացրել է մի շարք երկրներում սպասվող հարձակումների մասին: Այս մասին հայտարարել են ԻՊ-ին առնչվող լրատվական աղբյուրները: Խմբավորումն իր կողմնակիցներին կոչ է արել խուսափել մարդաշատ վայրերում հայտնվելուց, քանի որ «հազարավոր մարտիկներ» պատրաստ են ահաբեկչության:
ԻՊ զգուշացրել է ԱՄՆ-ում, Ռուսաստանում, Ֆրանսիայում, Մեծ Բրիտանիայում, Բելգիայում և Ավստրալիայում իրականացվելիք հարձակումների մասին, և գրոհայինները խոստանում են, որ հարձակումները գրեթե ամեն օր են լինելու: Նրանք մտադիր են պայթուցիկներ, մեքենաներ և սառը զենք օգտագործել:
