Տպել
Իտալացի հայտնի մոդելյեր Կառլա Ֆենդին մահացել է Հռոմում 80 տարեկանում, հայտնում է Corriere della Sera իտալական պարբերականը:
Կյանքի վերջին տարիներին նա տառապում էր միանգամից մի քանի հիվանդությամբ: Նախօրեին Ֆենդին ենթարկվել էր թոքերի ծանր հիվանդության:
Նա մահացել է հիվանդանոցից դուրս գրվելուց հետո՝ Հռոմի իր նստավայր՝ Պալացցո Ռուսպոլի վերադարձի ճանապարհին:
Կառլա Ֆենդիին էր պատկանում իտալական հայտնի Fendi նորաձևության տունը, որը մասնագիտացած էր հագուստի, կաշվե ու մորթուց իրերի արտադրության, աքսեսուարների արտադրության վրա:
Բրենդը հիմնադրվել է Կառլայի ծնողների կողմից 1925թ.: 1950-ականների վերջին հինգ Ֆենդի քույրերը գլխավորեցին իտալական նորաձևության տունը:
Ֆենդի քույրերի կարևորագույն բիզնես որոշումներից մեկը դարձավ գերմանացի դիզայներ Կառլ Լագերֆելդին նորաձևության տուն հրավիրելը: 1962թ. Լագերֆելդը դարձավ նորաձևության տան ստեղծագործական տնօրենն ու ստեղծեղ ընկերության հայտնի լոգոտիպը՝ երկու F-երը, որոնցից մեկը գլխիվայր շրջված է:
Ընկերությունը ընդգրկված է LVMH – Louis Vuitton Moët Hennessy S.A հոլդինգի կազմում:
Fendi ցանցն ունի ավելի քան 160 խանութ աշխարհի 25 երկրում:
