Տպել
Ֆրանսիայի անդրծովյան տարածքների՝ Սեն Մարտեն և Սեն Բարթելմին կղզիների վրա սեպտեմբերի 6-ին պատուհասած «Իրմա» փոթորկի հասցրած վնասները կազմել են շուրջ 1,2 մլրդ եվրո: Այս մասին հայտնել է Ֆրանսիայի պետական ապահովագրական CCP ընկերությունը:
«CCP-ն ենթադրում է, որ պատճառված վնասների գումարը կազմելու է շուրջ 1,2 մլրդ եվրո: Այս գումարն իր մեջ ներառում է բնակելի տներին, ավտոմեքենաներին, ձեռնարկություններին պատճառված վնասները»,- հայտնել են ապահովագրական ընկերությունից՝ հավելելով, որ փոխհատուցումներ կարվեն այն անձանց ու կազմակերպություններին, ովքեր ապահովագրվել էին բնական պատահարներին:
«Իրմա» փոթորկի զոհ է գնացել ավելի քան 20 մարդ:
