Տպել
Պայթյուն է որոտացել Լոնդոնի մետրոյի Parsons Green կայարանում, ինչի հետևանքով այրվածքներ են ստացել մի քանի ուղևորներ: Այդ մասին հայտնել է Reuterst գործակալությունը:
Բրիտանիայի մայրաքաղաքի ոստիկանությունում հաստատել են, որ հաղորդում են ստացել միջադեպի մասին, որի հանգամանքները ներկայում ուսումնասիրում են իրավապահ մարմինների աշխատակիցները:
The Sun թերթի հրապարակած լուսանկարներից երևում է, որ պայթյունը և դրան հաջորդած բռնկումը տեղի են ունեցել սպիտակ դույլում, որը փաթեթի մեջ գտնվում էր գնացքի վագոնում: Երևում է, որ վագոնի ներքին երեսվածքը վնասված չէ, սակայն կասկածելի առարկայի շուրջը ցրված են ուղևորների անձնական իրերը:
Առայժմ հայտնի չէ, թե ընդամենը քանի մարդ է տուժել միջադեպի հետևանքով: Պատահարի վայրում աշխատում են հրշեջ հաշվարկները, այստեղ են շտապօգնության մեքենաները: Parsons Green-ը գտնվում է Լոնդոնի Ֆուլհեմի շրջանում, որտեղից այդ ժամանակ նրա բնակիչները մետրոյով ուղևորվում են աշխատանքի, հաղորդել է ՏԱՍՍ-ը:
