Ծանրորդ Սոնա Պողոսյանը դարձավ Եվրոպայի երիտասարդների առաջնության չեմպիոն

Ծանրամարտի Հայաստանի կանանց հավաքականի անդամ Սոնա Պողոսյանը դարձել է Եվրոպայի երիտասարդների առաջնության հաղթող:

Ալբանիայում շարունակվում է Եվրոպայի առաջնությունը:

Կանանց 75 կգ քաշային կարգում Սոնա Պողոսյանը պոկում վարժությունում բարձրացրել է 97 կգ՝ նվաճելով փոքր ոսկե մեդալ: Հրում վարժությունում Պողոսյանը 130 կգ արդյունքոց կրկին փոքր ոսկե մեդալ նվաճեց:

Երկամարտի 227 կգ արդյունքով Ռիոյի Օլիմպիական խաղերի մասնակից Սոնա Պողոսյանը դարձավ Եվրոպայի երիտասարդների առաջնության չեմպիոն: