Տպել
Կատալոնիայի Ժեներալիտետի (գործադիր իշխանություն) առանձին անդամներ, որոնք ավելի վաղ աշխատանքից հեռացվել էին Իսպանիայի կառավարության կողմից, հոկտեմբերի 30-ին եկել են իրենց աշխատատեղեր և համացանցում զետեղել դա հաստատող լուսանկարներ:
Այդ մասին հայտնել են իսպանական ԶԼՄ-ները: Այսպես, տարածքների և կայուն զարգացման նախարար Ժոզեպ Ռույը Twitter-ում լուսանկար է զետեղել, որում նա նստած է իր աշխատասեղանի առջև: Ժեներալիտետի նախկին ղեկավար Կառլոս Պուչդեմնը Instagram-ում լուսանկար է հրապարակել Ժեներալիտետի պալատից՝ դրան կցելով «Բարի օր» գրությունը:
Կատալոնիայի գյուղատնտեսության դեպարտամենտի գլխավոր քարտուղար Դավիդ Մասկորտը նույնպես իր աշխատատեղի լուսանկարն է զետեղել է Twitter-ում: Նաեւ լրագրողները լուսանկարել են Կատալոնիայի տարբեր դեպարտամենտների մի քանի անդամների, որոնք դուրսուներս են անում կառավարական շենքերից, հաղորդել է «Ինտերֆաքս»-ը:
