Բասկետբոլ. Գերլարված պայքարում Հայաստանի հավաքականը պարտվեց Դանիային

Բասկետբոլի Հայաստանի հավաքականը շարունակում է պայքարը  Եվրոպայի 2021 թվականի առաջնության նախընտրական փուլում: Այսօր մեր հավաքականը մրցեց Դանիայի ընտրանու հետ:

Հանդիպումը անցավ լարված և դիտարժան պայքարում: Առաջին քառորդում Նիկշա Բավցևիչի տղաները հաղթեցին 19:18 հաշվով: Երկրորդ քառորդում մեր ընտրանին մի փոքր մեծացրեց ճնշումը և առավելության հասավ 21:13 հաշվով: Երրորդ քառորդը անհաջող դասվորվեց Հայաստանի թիմի համար և պարտվեց 11:17 հաշվով: Վճռորոշ էր չորրորդ քառորդը, որը պարզապես ֆանտաստիկ ստացվեց: Ռայան Բոաթրայթի՝ վերջին վարկյաններին բերած երեք միավորը խաղը տեղափոխեց լրացուցիչ ժամանակ, իսկ քառորդը ավարտվեց 18:21 հաշվով:

Լրացուցիչ ժամանակը հաջող ստացվեց Դանիայի ընտրանու համար, որը հաղթեց 9:2 հաշվով: Դանիայի հավաքականը ընդհանուր հաղթանակ տոնեց 78:71 հաշվով:

Հանդիպման լավագույն բասկետբոլիստնը Ռայան Բոաթրայթն էր, ով վաստակեց 28 միավոր:

Այսպիսով, Հայաստանի ազգային հավաքականը իր առաջին պարտությունը կրեց Եվրոպայի առաջնության ընտրական փուլում: Նոյեմբերի 23-ին մեր տղաները հաղթել էին Ալբանիայի ընտրանուն 80:63 հաշվով:

armsport.am