Տպել
Ապրիլի 26-ին ոստիկանության քրեական հետախուզության գլխավոր վարչությունում ստացված օպերատիվ տվյալներն իրացնելիս՝ գլխավոր վարչության և Մալաթիայի բաժնի քրեական հետախույզները մայրաքաղաքի Դավիթաշեն 1-ին թաղամասում հայտնաբերել և բերման են ենթարկել Գագիկ Վասիլյանին։
Ոստիկանության լրատվական ծառայությունից հայտնում են, որ Երևանի բնակիչ 35-ամյա Վասիլյանը ոստիկանության Մալաթիայի բաժնի կողմից մարտի 14-ից հետախուզվում էր որպես գողության մեղադրանքով պատժի կրումից խուսափող դատապարտյալ։
Գագիկ Վասիլյանը ոստիկանության Մալաթիայի բաժնից տեղափոխվել է «Նուբարաշեն» քրեակատարողական հիմնարկ։
