Տպել
Խնձորի կանոնավոր օգտագործումը երկարացնում է մարդու կյանքը, ինչպես նաև նպաստում օրգանիզմի երիտասարդացմանը:
Երեկ նման համոզմունք են հայտնել Նորիչ քաղաքի Սննդի հետազոտությունների ինստիտուտի բրիտանացի գիտնականները:
Նրանք խնձորի մեջ հայտնաբերել են մի բարդ տարր, որը երիտասարդացնում է սիրտը, բարելավում արյան շրջանառությունը և բարձրացնում իմունային համակարգի պաշտպանության մակարդակը:
Ավելին, կամավորների հետ կատարված փորձերի արդյունքում, որոնք օգտագործել են զգալի քանակությամբ խնձորի հյութ, մասնագետները պարզել են, որ նրանց սիրտ-անոթային համակարգը և ամբողջությամբ վերցված օրգանիզմը երիտասարդացել է առնվազն 17 տարով:
Ըստ բրիտանական մամուլի` էպիկատեխին պոլիֆենոլի առավել մեծ խտություն հանդիպում է վայրի խնձորներում:
