Տպել
Whoscored.com-ը ներկայացրել է Լոնդոնի «Արսենալի» և Հայաստանի հավաքականի կիսապաշտպան Հենրիխ Մխիթարյանի վիճակագրությունը «Նյուքասլի» դեմ Անգլիայի առաջնության 5-րդ տուրի արտագնա խաղում:
Մխիթարյանը մեկ հարված է կատարել դարպասի ուղղությամբ: Նրա 14 փոխանցումից թիմակիցներին հասել է 71.4 տոկոսը: 29-ամյա ֆուտբոլիստը մեկ անգամ խլել է գնդակը: Մխիթարյանը կանոնները խախտել է մի դրվագում, նրա նկատմամբ ևս գրանցվել է մեկ խախտում:
Հայ ֆուտբոլիստը ստացել է 5.98 գնահատականը, իսկ «Արսենալում» ամենաբարձրը գնահատվել է շվեյցարացի կիսապաշտպան Գրանիտ Ջական՝ 7.78:
Հիշեցնենք, որ «Արսենալը» հաղթել է 2:1 հաշվով, Մխիթարյանը փոխարինման է դուրս եկել 69-րդ րոպեին:
