Տպել
Քիչ առաջ վարչապետ Նիկոլ Փաշինյանը ֆեյսբուքյան իր էջում գրառում է կատարել. «Սիրելի գյումրեցիներ. շնորհավորում եմ ձեզ քաղաքի օրվա առիթով: Մաղթում ավելի մեծ դուխ, վստահություն և բարեկեցություն:
Կներեք, որ այսօր չեմ եկել:
Սիրում եմ բոլորիդ, հպարտանում եմ բոլորովդ, խոնարհվում եմ բոլորիդ առաջ:
Հ.Գ. Անկեղծ ասած միայն քիչ առաջ եմ իմացել, որ այսօր նման օր է, ինչը նշանակում է ինչ-որ մեկն իր աշխատանքը չի կատարել: Կգտնեմ նրան ու կպատժեմ: Չնեղվեք իմ հարազատ գյումրեցիներ: Առաջիկայում կտեսնվենք»:
Ի դեպ, ԳԱԼԱ-ի այն հարցին, թե ինչու վարչապետ Նիկոլ Փաշինյանը չի այցելել Գյումրի, Արարատ Միրզոյանը պատասխանել է, որ վարչապետը նոր է վերադարձել արտերկրյա գործնական հանդիպումներից և խնդրել է որպեսզի Գյումրիին և գյումրեցուն փոխանցի իր մաղթանքը, և որ ֆիզիկական բացակայությունը ոչինչ չի նշանակում:
