Նշաններ, որոնք վկայում են խնդիրների մասին. անուշադրության մի մատնեք

Ենթաստամոքսային գեղձի հետ կապված խնդիրները կարող են մի խումբ հիվանդությունների հետևանք լինել: Fabiosa.ru-ի հաղորդմամբ՝ այս նշանները կարող են վկայել խնդրի առկայության մասին:

Ցավ: Ենթաստամոքսային գեղձի հետ կապված խնդրի առկայությունը կարող է վկայել ցավի տեղակայումն ու բնույթը: Այս դեպքում ցավը հիմնականում զգացվում է որովայնի ձախ հատվածում՝ կողոսկրերի մոտակայքում: Ցավը կարող է զգացվել նաև մեջքի հատվածում: Վիճակը կարող է վատանալ ուտելուց կամ որևէ բան խմելուց հետո: Այն ուժեղանում է մեջքի վրա պառկելու դեպքում:

Դող: Ենթաստամոքսային գեղձում բորբոքային պրոցեսները սովորաբար դողի պատճառ են դառնում: Այն հաճախ ուղեկցվում է ցավով և անհարմարության զգացմամբ այն հատվածում, ուր գտնվում է ենթաստամոքսային գեղձը: Միայն թե հարկավոր չէ խուճապի մատնվել: Ենթաստամոքսային գեղձի հետ կապված խնդրի առկայությունը կարող է հաստատել միայն  բժիշկը:

Սրտխառնոց: Երբ ենթաստամոքսային գեղձը նորմալ չի աշխատում, օգտագործվող մթերքը նորմալ չի ենթարկվում մշակման: Երբեմն կարող են նկատվել փսխման դեպքեր: Բացի այդ՝ ենթաստամոքսային գեղձի հետ կապված խնդիրները հաճախ են ինքնազգացողության ընդհանուր վատացման պատճառ դառնում:

Նյութափոխանակության հետ կապված խնդիրներ: Այս խնդիրը կարող է տարբեր կերպ արտահայտվել՝ սկսած այրոցից, մինչև որովայնի փքվածություն, փորկապություն և դիարեա: Երկար ժամանակ ախտանշաններ նկատելու դեպքում հարկավոր է դիմել մասնագետի օգնությանը:

Քաշի կարուստ: Ենթաստամոքսային գեղձի խնդիրների առկայության դեպքում կարող եք քաշ կորցնել առանց ակնհայտ պատճառի: Երբ այս օրգանը նորմալ չի աշխատում, օրգանիզմը նորմալ չի մշակում մթերքը և չի կարողանում ստանալ բոլոր սննդարար նյութերը: Սա ամենատարածված ախտանշաններից է:

Նյութը հրապարակման պատրաստեց 168.am-ը