Տպել
SHAMSHYAN.com-ի տեղեկություններով՝ Ոստիկանության Մալաթիայի բաժնի հետաքննչական բաժանմունքում հետաքննություն է սկսվել երեկ՝ հոկտեմբերի 28-ին, Երևանում տեղի ունեցած նորածնի մահվան դեպի փաստով։
Ինչպես հայտնում է ֆոտոլրագրող Գագիկ Շամշյանը, Մալաթիայի Ոստիկանություն է դիմել Երևանի բնակիչ՝ 54-ամյա Նելլի Չ.-ն և հայտնել, որ նույն օրը, ժամը 09։30-ի սահմաններում «Աստղիկ» բժշկական կենտրոնի մանկաբարձ-գինեկոլոգի կողմից իր հարսի՝ Երևանի բնակիչ, 30-ամյա Թագուհի Մ.-ի ծննդաբերությունն ընդունելիս բժիշկը իր մասնագիտական պարտականությունները կատարել է ոչ պատշաճ, ինչի հետևանքով նորածին երեխան մահացել է։
Գ. Շամշյանի տեղեկություններով՝ Նելլի Չ.-ն աշխատում է Երևանում գործող ֆաբրիկաներից մեկում՝ կադրերի բաժնի պետ, իսկ մանկաբարձ-գինեկոլոգը, ում մեղադրում են նորածնի հարազատները, Արմավիրի մարզի բնակիչ՝ 46-ամյա Արմեն Ալեքսանյանն է։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
