Տպել
Եմենում վերջին երեք տարվա ընթացքում 5 և ավելի ցածր տարիքի մոտավորապես 85 հազար երեխա է մահացել սովից: Այդ մասին հայտնել է ABC News-ը:
Save the Children միջազգային կազմակերպությունը վերլուծել է խիստ թերսնումից երեխաների մահացության վերաբերյալ ՄԱԿ-ի տվյալները և հաշվել, որ Եմենում 2015 թվականի ապրիլից մինչև 2018 թվականի հոկտեմբերը մահացել է գրեթե 85 հազար երեխա: Save the Children-ի եմենյան ստորաբաժանման տնօրեն Թամեր Կիրոլոսն արձանագրել է, որ երկրում ևս 5,2 մլն երեխաներ սովի եզրին են: Եմենում պաշտոնապես սով հայտարարված չէ, սակայն ՄԱԿ-ը նախազգուշացնում է, որ երկրում սովի սպառնալիքն ավելի ուժեղ է, քան կարող են պատկերացնել փորձագետները:
