Տպել
SHAMSHYAN.com-ի տեղեկություններով՝ ոստիկանության Կոտայքի մարզային վարչության (վարչության պետ, ոստիկանության գնդապետ Արամ Հովհաննիսյանի), ոստիկանության Նաիրիի բաժնի ծառայողները՝ բաժնի պետ Դավիթ Գևորգյանի գլխավորությամբ հսկայածավալ օպերատիվ-հետախուզական աշխատանքների արդյունքում պարզել են՝ հունվարի 13-ին ով է ահազանգել Արտակարգ իրավիճակների նախարարության 9-11 օպերատիվ կառավարման կենտրոն և հայտնել, որ Երևան-Աշտարակ ավտոճանապարհի ռեստորանային համալիրներից մեկում ռումբ է դրված:
Ինչպես հայտնում է ֆոտոլագրող Գագիկ Շամշյանը, Կոտայքի մարզի ոստիկանները եղել են մի քանի հասցեներում ու արդեն ունեն հիմնավոր կասկածներ, որ զանգահարողը Երևան քաղաքի 37-ամյա բնակիչ է: Կոտայքի մարզի ոստիկանները ձեռնարկում են անհրաժեշտ օպերատիվ- հետախուզական և քննչական համատեղ միջոցառումներ՝ տեղադրված ռումբի մասին կեղծ ահազանգած «հերոսին» հայտնաբերելու ուղղությամբ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
