Սխալներիս համար չեմ զղջում, միայն դաս եմ քաղում… Անժելա Սարգսյան

Asekose.am-ի բլից հարցերին պատասխանել է դերասանուհի Անժելա Սարգսյանը:

Մանկության ամենավառ հիշողությունը:

Ամառային արձակուրդներս` տատիկի տանը և ծովափին:

Ամենամեծ ձեռքբերումը:

Աղջիկս` Եվաս:

Առաջին հիասթափությունը:

Հարազատ մարդու կորուստը:

Բնավորության ամենալավ և ամենավատ կողմը:

Ձգտում եմ կատարելության: 

Ո՞ւմ եք կարոտում:

Ես ինքս ինձ եմ կարոտում` 15-22 տարեկանում, քանի որ այդ ժամանակ իդեալիստ էի:

Ինչի՞ց եք վախենում:

Հարազատներիս կորցնելուց:

Սխալ, որի համար զղջում եք:

Բոլորս արել ենք սխալներ, բայց իմ սխալների համար ես չեմ զղջում, միայն դաս եմ քաղում:

Գործ, որ կիսատ է մնացել:

Երևի թե կրթությունս, որովհետև դա այն գործն է, որից իմ ամբողջ կյանքում չեմ հագենա:

Խոսք, որը չեք հասցրել ասել:

Ես միշտ ասում եմ այն, ինչ ցանկանում եմ: Այդ պատճառով ես ամեն ինչ հասցնում եմ ասել: Ես միշտ ճիշտ ժամանակին եմ հասցնում ներողություն խնդրել:

Երազանք, որ դեռ չի կատարվել:

Իհարկե, ես ունեմ երազանք, բայց չեմ ասի (ծիծաղում է): Լավագույն երազանքներիցս մեկը տղա ունենալն է:

Կցանկանամ, որ…  Շարունակեք միտքը:

Կցանկանամ, որ բացարձակ պատերազմ չլինի, որ երեխաները մեծանան առանց ցավի ու արցունքի: Կցանկանամ նաև, որ հարազատներս լինեն առողջ:

Հեղինակ` Ա.Հարությունյան

asekose.am