Տպել
Պետական այցով Մեծ Բրիտանիայում գտնվող ԱՄՆ նախագահ Դոնալդ Թրամփը թագուհի Էլիզաբեթ 2-րդի հետ հանդիպման ժամանակ, ինչպես և նախորդ տարվա հանդիպման ընթացքում, խախտել է արարողակարգը:
Ինչպես նշում է Daily Mail-ը, դեպքը տեղի է ունեցել Բուքինգհեմյան պալատում բարձրաստիճան հյուրերի պատվին մատուցված պետական ընթրիքի ժամանակ: Երբ Թրամփը հոտնկայս խմել է 93-ամյա միապետի կենացը, թագուհին ի նշան հարգանքի ոտքի է կանգնել: Այդ ժամանակ ԱՄՆ նախագահն իրեն թույլ է տվել ձեռքը թագուհու մեջքին դնել:
Պարբերականը նկատում է, որ թագուհուն դիպչելը, այն էլ՝ այս ձևով, արարողակարգի խախտում է համարվում:
Հայտնի է, որ Թրամփն իր կենացի ընթացքում Էլիզաբեթ 2-րդին «հրաշալի կին» է անվանել՝ ընդգծելով, որ «նա Երկրորդ աշխարհամարտից առ այսօր անգին ավանդույթների կայուն խորհրդանիշ է հանդիսանում»:
Տեսանյութը՝ այստեղ
