Տպել
«Բարսելոնայի» ֆուտբոլիստներ Ժերարդ Պիկեն և Արտուրո Վիդալը պոկերով միասին վերցրած 487 հազար եվրո են հաղթել։
Կատալոնական ակումբի ֆուտբոլիստները մասնակցել են Single-Day High Roller պոկերի մրցաշարին, որը անցկացվել է Բարսելոնայում։ Պիկեն զբաղեցրել է երկրորդ տեղը ու 353 հազար եվրո է վաստակել։ Վիդալը իր հերթին 135 հազար եվրո է հաղթել։
Իսպանիայի Լա լիգայի մեկնարկային երկու տուրերից հետո «Բարսելոնան» 3 միավոր է վաստակել։ Վալվերդեի թիմը առաջին խաղում 0-1 հաշվով «Աթլետիկին» պարտվելուց հետո երկրորդ տուրում սեփական հարկի տակ 5-2 հաշվով հաղթեց «Բետիսին»։ Գոլերից մեկը հեղինակել է հենց Վիդալը։
Լա լիգայի երրորդ տուրում «կապտանռնագույնները» հյուրընկալվելու են «Օսասունային»։
