Տպել
Հնդկաստանի Սագար քաղաքից 74-ամյա Շյամ Լալ Յադավի ճակատից հեռացրել են 4 դյույմ (10,2 սմ) չափի «սատանայական» եղջյուրը:
Mirror Online-ը հայտնում է, որ ֆերմերի գլխի տարօրինակ պալարը հայտնվել է մոտ 5 տարի առաջ գլխի վնասվածքից հետո: Վնասվածքը ստանալու հանգամանքները, սակայն, չեն հստակեցվում: Սկզբում նրա ճակատին է հայտնվել ոչ մեծ ելունդ, որին տղամարդը նշանակություն չի տվել: Հետո նա վարսահարդարներին խնդրել է լուծել ելունդի հարցը, իսկ հետո ինքնուրույն է փորձել կտրել եղջյուրը, բայց կոշտացումը շարունակ աճում էր:
Տղամարդը որոշել է հիվանդանոց դիմել, երբ այլեւս անհնար էր պալարը գլխարկի տակ թաքցնել: Նրան զննելով՝ բժիշկները հաստատել են, որ ճակատին եղջյուր է աճում, որը բաղկացած է կերատինից, ինչպես մարդու եղունգները կամ մազերը:
Նեյրովիրաբույժները վիրահատել են նրան եւ եղջյուրը սղոցել: Անցկացված բիոպսիան ցույց է տվել, որ նորագոյացությունը բարորակ է:
Բժիշկների կարծիքով՝ եղջյուրը կարող է նորից սկսել աճել պացիենտի գանգին: Նրանք նշել են, որ այս հիվանդությունը հազվագյուտ է համարվում: «Սատանայական եղջյուրի» աճելու պատճառներից մեկն է արեգակի ճառագայթների ազդեցությունը:
